小紅書大曬「BB展戰績」　博主：後悔沒帶行李箱　職員揭重複入會「阻止唔到」

【有線新聞】全港最大型「BB展」第34屆國際嬰兒、兒童用品博覽早前在會展舉行，不但本地家長，甚至吸引內地遊客專程參加，當中就有小紅書博主大曬「3天戰績」，可見獲送贈品多如「舖頭入貨」，引起網民熱議。

有本港網民在社交平台轉載圖片，可見有小紅書博主大曬「戰績」，稱在香港BB展「大部隊出動，3天的戰績」，獲送贈品包括奶粉、洗衣粉、護膚霜、濕紙巾等等，多不勝數，個別贈品數量更有近百瓶之多。轉載圖片的網民相當不滿，明言對方「好興將全世界嘅遊戲玩爛」。

另一名小紅書博主則明言「冒着大雨去會展參加最後一天的bb展薅羊毛（意指搵着數），指自己奮戰了四個小時，走克奶粉區已經拿不動了，「後悔沒帶行李箱去，拿不完，跟本拿不完！」

有港媽亦留言分享自身經歷，指日前也與母親去行「BB展」，「可能因為我完全未見肚加埋我買左好多孕婦supplement，個珠海女人可能以為我同佢哋一樣，係為左嚟做代購同拎贈品去賣。佢自己主動同我地講佢就係呢拎贈品去賣，我呀媽即刻話佢啲嘢印住非賣品，你哋咁樣係唔啱，嗰女人即刻扮聽唔到」。

不少網民都對代購行為不滿，稱「有啲着數攞咗，唔識低調靜靜地咁，係要大搖大擺同人哋講攞咗幾多着數，仲要廣播叫人哋嚟攞，呢啲咁嘅人種確是令人討厭」，另有人指「我尋晚見到有工作人員阻止，佢哋大鬧個part time女仔，死都唔認自己排過」、「着數攞盡，資源攞盡，然後話香港差」。

亦有參展職員指「其實好多媽媽，特別係大陸嗰啲，都係攞完又攞，只要佢有唔同電話號碼，就可以係咁入會攞禮物，根本就阻止唔到。公司要我哋跑數，唯有就係放佢哋入去，真正有需要嘅家長都攞唔到」，有網民則稱「唔應該俾用大陸電話登記，佢地咁樣根本就係濫用，真係好乞人憎」。