港媽帶低燒B女遊福岡　睇急症用AI「教醫生開藥」　網民：公審自己？

【有線新聞】應否帶同嬰兒外遊，向來都是網民爭論話題，有港媽近日就在網上發文分享前往福岡的「辛苦之旅」，指臨上機發現女兒「少少低燒」，選擇餵退燒藥繼續行程，雖然有想過改機票返香港，但最終都是靠AI翻譯「睇咗醫生先算」，返港後再「claim保險」，引起不少網民批評。

快測疑染HMPV　認自己傳染女兒

該港媽在社交平台發文，稱要記錄女兒第一次搭飛機去福岡，直言「臨上機前女兒唔舒服，有少少低燒，餵左退燒藥點知成程機佢都勁攰咁訓左」，指自己全程抱住女兒，未有轉過姿勢，「呢一刻真係勁擔心bb，好彩落機之後佢就醒左」，抵達酒店後婆婆、姑媽餵飲水飲奶都未見異常，「但有少少發燒」，用快測「撩到有好淺色既hmpv（人類偏肺病毒）」，並坦承是由自己傳染女兒。

雖然丈夫考慮改機票返香港，但「最後都係睇左醫生先算」，在市內看夜診急症室小兒科，指丈夫曾在鹿兒島看醫生，「所以都有經驗值」。醫生最後開了退燒藥加化痰藥，而全程靠AI溝通，甚至「AI建議咗個d藥，醫生話有呀有呀，就開左俾我哋」。由於病症輕微，只是開了一日藥，「靠佢自然好返」。港媽稱醫療費大概800港元，「返香港之後旅遊保claim返」。

稱頭幾日冇乜點玩　網民：晒母愛

港媽直言「基本上之後個幾日都冇乜點玩，bb都好痴住媽咪，夜晚又有痰，所以要我抱起佢訓，頭幾日都係辛苦之旅」。貼文引起網民討論，港媽其後將帳戶改為私人帳戶，隱藏相關內容。

為數不少網民形容家長「生仔無考牌」及「公審自己」，明知b年幼女兒生病仍出發前往日本，漠視感染同機乘客之風險，又認為幼兒發燒「可大可小」，不應冒險，「畀啲常識好冇」。不過，亦有網民坦言「BB微燒，又成家人一齊去旅行，可能好多人都會選擇繼續行程。最XX喺post自己出公海啫」、「原本po主想展示自己幾偉大，全程無玩照顧病咗嘅BB，豈料被圍插到要敗走……」。