一線搜查｜葵芳公廁三個月冇鹹水　揭權責糾紛未解　街坊怨聲載道：嘥納稅人錢

《一線搜查》兩年前曾探討葵青區不時爆水管的問題，據了解，區內老化的水管已經陸續更換。不過，近日有街坊再向《一線搜查》投訴，指葵芳港鐵站旁的公廁已經連續三個月無鹹水供應，導致衛生環境惡化、地面濕滑，市民使用不便，甚至有長者險些摔倒。

「你係一個政府，冇理由連維修一樣咁簡單都做唔到，可以拖足幾個月嘅。」投訴人李小姐向《一線搜查》表示，位於葵芳巴士總站和新葵芳花園B座附近的公廁，自三個月前停止鹹水供應，問題至今未解決。

公廁無水衛生堪憂　居民怒斥：嘥納稅人錢！

根據食環署圖片，公廁位於葵芳港鐵站附近，對面有食肆及商店。除附近居民外，的士、小巴、巴士司機及商戶亦頻繁使用，使用率非常高。但無鹹水供應導致衛生問題嚴重，地面長期積水，濕滑不堪。李小姐：「非常唔方便，製造衛生問題，而且容易跣到人，真係濕得好犀利，成地水。」

現場觀察顯示，公廁內貼有「沖廁鹹水供應故障」的告示，清潔工人放置一個裝滿水的大桶，供市民自行用膠勺沖廁。然而，水喉長開導致水桶滿溢，地面更顯濕滑。街坊甘先生：「廁所壞晒嘅，要自己沖嘅，你話政府做咩呢！嘥晒納稅人啲錢！（係咪覺得好麻煩呀？）麻煩呀，第日可能要帶埋廁紙添呀。」鍾小姐抱怨：「肯定唔方便，而家成日都會塞，成地都係水，點解咁耐都未整呢？」

街坊張婆婆：「咁樣非常之唔好，佢冇水，自己要用膠桶沖廁。」95歲的陳伯則表示，自己因行動不便無法彎腰舀水沖廁，濕滑地面更讓他擔心摔倒的風險。李小姐亦指，過往曾有老婦險些摔倒，「有個婆婆差啲跣親，因為成個廁格地下都係水，佢（清潔人員）有擺小心地滑嘅牌，但好多老人家出入，唔排除遲早出事。」

清潔工人苦不堪言　食環署推卸責任

清潔工人龍哥（化名）坦言，無鹹水供應後，工作量大增。冇水沖，個個唔沖水，入廁所唔沖水。（好多人入廁所唔沖水㗎？）係，百分之九十幾人都唔沖。見到污糟就清，要保持乾淨。而家十多分鐘就要清一次，入廁所，唔沖咪臭囉。」他無奈表示，希望政府盡快維修。

投訴人李小姐與不少街坊沒法忍受，曾先後向食環署作出投訴，「當時有個街坊話佢都有打去，好多人打咗去，但冇用。我話冇用都要打，越多人投訴先可以反映件事嚴重㗎嘛。」然而李小姐獲對方回覆，指該公廁涉及私人屋苑範圍，「食環署嗰位先生就話，佢都冇辦法，因為關乎新葵芳花園嘅立案法團未通過，所以推卸咗咁耐，冇鹹水供應，佢都做唔到啲咩。」

權責糾紛待解　食環署：已催促有關屋苑管理公司盡快維修

而該區區議員林映惠透過短訊回覆《一線搜查》指，不但涉事公廁沒有鹹水供應，就連新葵芳花園的鹹水管供水亦出現問題，食環署正積極跟進，但因破損的鹹水管業權問題，需要新葵芳花園管理公司盡快維修。至於涉事的公廁，由食環署管理，在此期間已加強調配人手清潔。

食環署就回覆表示，根據紀錄，由2025年1月至今，共接獲13宗相關投訴，當中沒有涉及使用者自行沖廁受傷的個案。該公廁鹹水供應受阻，主因是新葵芳花園範圍的共同地下鹹水管破損所致，署方已積極與相關屋苑管理公司聯絡，並催促盡快展開有關的維修工程。

前葵青區議員林紹輝指出，若公廁位於屋苑範圍內，雖由食環署管理，但供水問題可能涉及屋苑地底管道，需釐清責任歸屬。不過他強調，食環署作為管理方責無旁貸，應積極協調解決。

至於新葵芳花園的管理公司則在5月初回覆指，該公廁由相關政府部分管理，新葵芳花園管理處一直就有關情況與其溝通協調，有關的地下喉管維修工程已經展開，預計於5月底完成。

78 HOY資訊台：《一線搜查》
播出日期：逢周一至五
播出時間：晚上8時77台首播、10時半78台重播
WhatsApp報料熱線：68960931
節目重溫請＜按此＞