一線搜查｜長者關愛站再現屋邨商場 裝修公司推免費體檢、派福袋 區議員斥「掛羊頭賣狗肉」
繼深水埗李鄭屋邨「長者關愛服務站」涉嫌以關愛長者名義推銷家居維修後，太和屋邨商場近日出現類似攤檔，以「長者免費身體檢查」、「協助申請政府資助」吸引長者，派發福袋並收集資料。區議員麥成灝批評做法「掛羊頭賣狗肉」，有誤導之嫌。負責人郭先生則堅稱無犯法，僅為幫助長者。
太和驚現「長者服務站」 街坊誤會政府服務
太和驚現「長者服務站」 街坊誤會政府服務《一線搜查》今年9月曾報道李鄭屋邨出現一間名為「長者關愛健康服務站」的店舖，表面提供免費健康檢查及協助長者申請政府資助，實則由裝修公司營運，目的是推銷家居維修服務。事隔數月，類似手法已擴展至新界區，大埔太和邨商場最近出現同類型的臨時攤檔。記者到現場視察，該攤檔位於商場近街市出入口，人流必經之處，以大字標語宣傳「長者免費身體檢查」及「協助長者申請政府資助」，並贈送印有「長者關愛站」字樣的福袋。
全部宣傳字眼均為「幫長者申請津貼」、「服務長者」，形式與深水埗李鄭屋邨的「關愛服務站」同出一轍，部分長者更誤以為是政府派員提供服務。街坊李女士接受《一線搜查》訪問時指：「唔係做維修，政府㗎，做三個月，唔係呃我哋啊婆㗎，仲有禮物俾返我哋。」
大埔區區議員麥成灝透露，上個月已接獲長者投訴，指在攤檔接受量血壓、磅重等免費身體檢查，並留下個人資料後，收到職員訊息推銷家居裝修套餐，甚至突然被索取一萬元。麥成灝到場視察後，向商場管理方反映情況，要求攤檔明確標示為裝修公司，以免誤導公眾。商場管理方亦指已觀察到攤檔的推銷手法有「掛羊頭賣狗肉」之嫌，若純粹推銷裝修服務，應在招牌清楚注明公司性質，故要求攤檔整改。不過，涉事攤檔僅在角落位置貼小招牌「家居裝修設計有限公司」，當眼處仍為「長者免費身體檢查」的海報。
認與李鄭屋邨攤檔有關 職員：為咗幫長者
認與李鄭屋邨攤檔有關 職員：為咗幫長者職員劉先生接受《一線搜查》時，承認與李鄭屋邨攤檔有關，由同一負責人營運，並堅稱公司只是為了幫助長者，「譬如佢哋攞嘢好重、整燈膽呀，我都有電牌，都會私人幫佢哋，唔收佢哋錢。盡量希望做到一半做生意、一半幫到長者。因為好多長者屋企爛晒，冇人理佢哋㗎，議員又唔理、政府又唔理佢哋。呢八萬蚊可以幫到佢哋好多，政府都唔做宣傳。」
劉先生回答得理直氣壯，又稱很多人對他們有多大的誤會，「坊間都會猜測我哋，甚至警察都搵過我哋。其實我哋都只係抱住一個幫助長者，又可以有少少生意做下，伙記有工開。所以我哋都打正牌頭，寫明係維修公司，我哋都有商業登記。我哋分支係長者服務站，有晒所有批文。」他又說，公司在為長者進行身體檢查時，亦會教他們申請不同福利，「佢一定問我係唔係政府，唔係政府，係維修公司嚟。我會解釋俾佢哋知，我哋做呢樣嘢。」
負責人：日久見人心、真金不怕洪爐火
「我哋做嘅嘢最緊要係冇犯法，啱唔啱先？」負責人郭先生接受訪問時亦不斷強調公司並無違法，「政府又冇要求幫人身體檢查要攞指定、規定相關嘅牌照？係冇嘅，我哋都深入了解過，係唔需要。所以我哋幫長者做身體檢查係我哋裝修公司其中一部分的方式。」
不過，他承認部分做法可能產生誤會，不希望街坊誤會他們是騙徒，所以他亦有作出改善，強調不會保留任何填有街坊個人資料的文件，「因為我哋經過李鄭屋邨嘅情況，我哋已經進步咗。因為李鄭屋邨都係警察搵我哋，佢哋都冇話我哋有咩問題，只係叫我哋好好保管長者個人資料。我都係話我哋唔會留底、我哋會銷毀，我哋會碎晒佢。經過呢次，我哋連太和嘅做法，我哋連文件都唔會收集。」
至於有職員向街坊索取金錢，郭先生強調在正式開展工程前絕不會收任何費用，「我哋真係冇收過1蚊，公司冇收過1蚊，亦都冇收訂金。如果有嘅，你即刻同我哋講或者報警，真金不怕洪爐火，我哋行落去、做落去，日久見人心。」
78 HOY資訊台：《一線搜查》
播出日期：逢周一至五
播出時間：晚上8時77台首播、8時半78台重播
WhatsApp報料熱線：68960931
節目重溫請＜按此＞
