颱風天遺棄奧海城公園 「剛剪耳」都柏文狗女病亡 藝人怒轟：唔止針線縫仲落膠水
【有線新聞】有狗場為求美觀賣得好價錢，會為繁殖犬進行剪耳、剪尾等不人道手術，有市民就在昨日凌晨時份發現一隻約得兩個月大、「剛剪耳」都柏文狗女，被遺棄於奧海城公園凳底，最終因為感染犬小病毒腸炎不治。狗女不但雙耳被人為修剪，而且更被人用針線、膠水固定在紙杯上，引發網民震怒，要求追查出涉事的狗場。
感染犬小病毒腸炎 剛送院檢查便斷氣
據接收狗女的「520浪浪加油站」專頁，狗女於凌晨約四時被發現，當時狂風暴雨下「匿咗喺凳底」，懷疑遭繁殖場遺棄，而且出現肚痾、脫水狀況，「想問一問呢啲繁殖場幾時先至肯收手？有病就將啲狗掉咗出嚟係咪黐孖筋啊！發現呢隻BB嘅時候呢，佢個頭仲係有個紙杯喺上邊」。
狗女其後送到獸醫診所檢查時，突然間體溫急劇下降，很快便斷氣，檢查證實因感染犬小病毒腸炎致命，「中咗細小，轉頭會出埋狗瘟嗰個報告，而家我哋都通知咗善终公司嗰邊，亦都叫咗醫生幫『刀B』（都柏文BB）拆咗個紙杯佢，唔希望刀B走嘅時候帶埋個紙杯走」。該專頁指遺棄位置附近有閉路電視，已經報警希望找出遺棄者。
藝人裕美拍片冀廣傳 將肇事者繩之於法
事件在網上引起關注，藝人裕美亦拍片講述事件，指她的義工團隊參與救助。她表示很多成年都柏文犬雙耳豎起，但其實幼犬「隻耳仔係耷落嚟嘅，同埋佢係長尾嘅」，質疑狗女是遭到狗場剪耳，「連埋隻紙杯一齊縫起佢，都唔夠，仲要攞膠水黐實佢，令佢隻耳仔甩唔到」。她明言幾個月前也出現同類個案，而狗場是不會花錢醫治幼犬，而是直接遺棄。裕美希望拍片廣傳事件，將肇事者繩之於法，「我終有一日會收你檔（倒閉）」。
據《香港動物報》指出，港府數年前曾建議條訂《防止殘酷對待動物條例》，提出列明禁止「剪尾」、「剪耳」、「割聲帶」、「去爪」等手術，只有註冊獸醫「合理地認為符合該動物利益」時，才可以進行有關程序，但修訂法案現時仍未提上立法會審議，因此目前未有法例明確規管，只可以有證據證明動物承受過不必要痛苦，才有機會指控「殘酷對待動物罪」。
