飛鵝山成時鐘酒店？　執垃圾發現避孕套、驗孕棒　事主：好大機會香港人亂抌

【有線新聞】香港郊野公園舉世聞名，市民不用長途跋涉也可親近大自然，但不時都有義工隊上山發現大量垃圾。近日就有義工上飛鵝山執垃圾，驚見大量剛用完不久的避孕套，甚至有驗孕棒，慨嘆如同時鐘酒店，更直言「好大機會係香港人亂咁抌」。

涉事網民在網上表示，三號風球當天上山執垃圾，「搞邊科又咁多避孕套呢」，而且驗孕棒都有，雖然未知是否用過，但他也戲言「不過恭喜你，得一條線冇BB」，又表示「其實我二月已經執咗好多個（避孕套），跟住今日有好多新鮮滾熱辣！真心都幾核突」

此外事主一行六人當天亦執到過千支煙頭、無數咁多垃圾，「六個人，五大袋垃圾，飛鵝山究竟係時鐘酒店呀？定係美食廣場，亦或者垃圾堆填區？」，又形容「真係好誇張，簡直好似禽獸咁樣，紙巾水樽零食包裝避孕套，就係嗰範圍裏面周圍抌，一啲都唔似文明人」。

帖文吸引不少網民留言，大讚「這一項活動好有意義呀」，但當中有人歸咎於內地旅客，形容事主「又服務大陸人」，事主則回應雖然垃圾不少是內地產品包裝，「但係今次唔好企得咁高」，因為是次「好大機會係香港人亂咁抌」，又反駁「你唔好亂講野混淆咗我個post。唔該你」。