一線搜查｜調景嶺山坡花槽變私家菜園　居民非法種菜逾10年　區議員：清完又種

《一線搜查》早前接獲觀眾報料，指調景嶺健明邨後山有居民長期非法開墾，將山坡花槽變成「私家菜園」。有區議員坦言問題已經持續十多年，即使當局派員清拆，數日後亦會故態復萌，衍生蚊患、化肥臭味及斜坡安全等隱患。

山坡花槽變菜園　膠樽、水管工具齊備

有觀眾向《一線搜查》報料，指不時見到有人在調景嶺山坡引水道打水，原來用作「私家菜園」種菜。記者聯同西貢區區議員陳繼偉到健明邨後山視察，由翠嶺路沿石級登上山。轉左閘門上貼有「此通道只供維修斜坡之用」的告示，然而門鎖已被人強行破壞，而斜坡第四、五層有約8至10個花槽被人加裝木架，花槽內更種植了不少幼苗。至於花槽旁堆滿膠樽，部分裝有深色液體，附近亦放有水桶、膠箱，更設有膠水管接引水道。另外，亦擺放不少耕種工具、盆栽、毛巾及清潔用品。

「估計都係朝頭早，好多都係屬於晨運人士，係附近嘅居民。佢上嚟行山，順便喺度種下啲園藝、種啲蔬果攞返屋企食。可能一傳十、十傳百，越嚟越多人係政府花槽種植，輕則係花槽種，大則就自己喺上面啲土地，自己開墾。」西貢區區議員陳繼偉坦言，非法耕種問題已經持續十多年，每年都會接獲八至十宗投訴，大多會轉介地政署跟進。而地政署會紀錄相關個案，待大型行動清理。

問題持續逾十年　區議員無奈：清完又種

陳繼偉：「不停有市民反映，我哋不停有轉介，但問題係清完又種、清完又種。今日清完，過幾日又種返，密度太密。所以整體上，附近的所有斜坡都普遍有唔少咁嘅情況。」翻查資料，西貢區議會早於2017年已經討論相關問題，當年文件提及懷疑有人掘起花槽原有花草作耕種用途，積水及施肥令蚊蟲滋生，令環保衛生問題更惡劣。

路政署當年曾派人跟進，將原本被人非法耕種的花槽清理得乾乾淨淨。惟清理後，很快就會打回原型。陳繼偉：「其實不停有反映，但問題數量太多及不停持續，我哋只可以『盡人事』，有收到投訴就反映，然後叫部門做一次行動清一清。佢哋都有清嘅，但唔係個個禮拜同你清，佢哋非法耕種太密，而且農作物數量太多。」

衛生安全存隱患　路政署：加強巡查

而花槽的植物及周遭雜物亦會衍生衛生問題，陳繼偉：「首先而家有基孔肯雅熱，又驚啲白紋伊蚊。佢養咗啲水喺度，再加上懷疑用有機肥，你都聞到有臭味，以前無用化肥，呢一兩年開始有人用化肥。」更離譜的是，部分花槽被人種植了大型植物，樹根不夠位置生長，導致花槽爆裂、損毀，整棵塌下。陳繼偉：「見到好多人搬運廢棄的竹枝、鋼筋或石頭，唔知佢係邊度搬過嚟，慢慢構建一個建築物喺度，到時就會影響渠道去水，而且斜坡沒有預計呢個負重，到時有咩事或塞住，嗰個位置積水，影響斜坡安全就麻煩。因為整個斜坡隨時都要過千萬元。」

路政署回覆查詢時指，過去一年共接獲3宗懷疑有人在上述斜坡一帶非法開墾耕種及堵塞排水渠的相關投訴，經到場視察後確認有人於斜坡的花槽非法耕種，斜坡面的混凝土噴漿層則未有受到破壞，因此已安排承建商完成所需的清理工作。署方亦會考慮在有關花槽補種植物，以維持斜坡的綠化效果。

發言人又指，為了有效防止同類事件，署方除了在合適位置張貼告示外，亦已為斜坡加裝圍網及鐵閘。鑑於鐵閘不時被人打開，署方會按需要加強巡查，確保鐵閘妥善鎖上，防止非維修人員進入斜坡範圍。

78 HOY資訊台：《一線搜查》
播出日期：逢周一至五
播出時間：晚上8時77台首播、8時半78台重播
WhatsApp報料熱線：68960931
節目重溫請＜按此＞