一線搜查｜屯門男放惡犬咬流浪狗BB　義工受傷街坊震怒　心理學家：或有反社會傾向

網上早前流傳一段影片指屯門有男狗主懷疑故意放狗追咬流浪狗，事件引發社會關注。有心理學家分析男子的行為或涉及嚴重的負面情緒，甚至可能存在反社會傾向。亦有律師指出，若證實狗主故意放開狗繩，導致狗隻傷人，狗主或要承擔民事及刑事責任。

毛孩守護者創辦人Kent向《一線搜查》講述事件經過，指接獲街坊反映屯門西北泳池附近傍晚有流浪狗覓食，當中包括數隻幼犬，部分更患有皮膚病，於是當日傍晚在現場設置陷阱，打算為牠們進行治療及絕育手術，隨後再安排領養。「我哋喺現場設咗圍欄，到夜晚7、8點，流浪狗開始落嚟。正當我哋準備捉之際，有個男人拖住三隻狗落嚟，有晒頸帶拖住，但佢突然放手，連狗帶都放埋，其中兩隻狗就衝埋嚟打嗰班狗BB，叫得好緊要，一叫所有狗就鳥獸散，全部衝返上山。」

疑蓄意放狗襲擊流浪狗　義工、街坊震怒

Kent指出，當時見到有幼犬被打傷，自己與另一名義工隨即上前喝止，而在混亂期間有義工腳部疑被唐狗咬傷。根據現場影片可見，男狗主當時帶同兩隻狗，拍攝者質疑男子故意放開狗繩，質問道：「你放狗咬人，仲要放狗追野狗，見你幾次放狗，又嚟啦！你隻狗咬到人呀嘛，你仲同我講放佢追野狗。」不過男狗主否認指控，聲稱是狗繩意外鬆脫，並反問：「我有養狗，點會特登搞啲狗？」

據屯門街坊透露，涉事男子居於兆麟苑，其中兩隻狗分別名為「朱古力」及「芝麻」，其中黑色唐狗「芝麻」性格兇惡。街坊表示：「我知佢係邊個，但唔識佢，平時由工人姐姐帶狗散步。可能佢覺得自己隻狗好威，如果咬著我啲狗，我梗係唔放過佢，醫返都好大鑊，最好唔好囉，你覺得玩，人哋唔識你會嚇死。」另一位街坊亦對事件感到不滿，認為不應放狗咬流浪狗，「寧願搵人趕佢好過啦，就算搵嘢打佢（狗）都唔好，始終有生命㗎嘛。」

心理學家：行為或涉嚴重負面情緒

註冊心理學家程偉強分析涉事男狗主的行為，認為對方或因較嚴重的負面情緒或長期壓力，將情緒投射到流浪動物身上，從而釋放壓力及取得控制感。其次，男狗主亦可能存在反社會傾向，對動物甚至人缺乏同理心或內疚感，甚至在看到其他人或動物受苦時會感到快感。

而執業律師林志宇就指，根據《狂犬病條例》，狗主在公眾地方必須妥善管束狗隻：「法律裡面嘅層面都幾廣闊，唔一定係用狗繩，可能係為狗隻戴口罩等。」他又說，如果狗隻超過20公斤，必須以不超過兩米長的狗繩管束，強調狗主有責任確保狗隻不會影響或傷害他人。他續指，如果證實狗主故意放開狗繩，導致狗隻傷人，狗主可能需要承擔民事及刑事責任，「刑事方面，如果證明狗主有意圖傷人，根據傷人罪，預謀性強嘅話，最高可判終身監禁；若預謀性較低，都可能面臨最高五年監禁。」

78 HOY資訊台：《一線搜查》
播出日期：逢周一至五
播出時間：晚上8時77台首播、8時半78台重播
WhatsApp報料熱線：68960931
節目重溫請＜按此＞