有片｜青山公路變「單車賽道」　逾20車手連霸兩線、小童跟隊　網民鬧爆：好危險

【有線新聞】單車道路安全問題近年屢惹爭議。網上近日流傳一段長約48秒的車Cam影片，顯示青山公路有逾20名單車手浩浩蕩蕩行駛，當中更不乏身材矮小的小童。單車隊佔據兩條行車線，連累尾隨的的士連番急煞，場面險象環生。

逾20單車霸佔兩線　的士連番急煞避險

據車Cam畫面顯示，事發於上月28日晚上近9時半，逾20名單車手將公路當作專屬賽道，霸佔全部兩條行車線行駛。不少車手裝備齊全，戴上頭盔並身穿隊服，當中亦包括多名小童。期間一輛紅色的士幾乎被單車隊包圍，連番急煞以防相撞。發帖的車主更在文中嘲諷：「嘩，正呀喂，今晚有單車公路賽，目測參賽者最細年紀大約7、8歲，我覺得係我阻住咗佢哋。」

目測最細僅7歲　網民嘲：單車幫的士破風

影片發佈後隨即引發大批網民討伐，紛紛指責「單車黨」的行為極度危險，嚴重影響道路安全：「其實人哋踩馬路係要有隊形，唔係一大班好似散沙咁，左線十個、右線七個，仲有細路喺度」、「私家車聚埋就叫非法賽車，幾十個單車佬行右線阻車就得？」、「連一條線都唔留俾人行」、「戴晒頭盔著晒隊服，應該有人帶頭的，在釀成意外慘劇前，早日找出來一網成擒」、「好過份，呢條係馬路嚟㗎」。亦有網民諷刺：「佢哋Book咗場？」、「單車幫的士破風」、「冇交牌費、冇第三者保險，憑乜嘢使用道路？」

被揭為青龍頭常客　無視燈位照衝

不少經常行經該區的司機亦紛紛留言吐苦水，指青龍頭一帶幾乎每晚都有單車群出沒，「青龍頭晚晚都成班單車佬，揸車遇到佢哋已經夠慘，突然間飛線殺你一個措手不及。夜晚經過仲要成日係到大嗌，呢班單車佬一個星期至少見兩次，有好多睇上去得6、7歲，噚晚成班先喺青山公路青龍頭段個錶位」、「親眼見過佢哋喺深井麗都花園燈位，完全無視行人綠公仔亮著，為數廿幾部照衝過去，兩邊行人企定定都唔夠膽行」。

更有大批網民質疑隨行兒童的安全問題，「啲大人帶住成班𡃁仔去踩好危險喎」、「其實道路上揸車都要18歲，呢啲豆丁係咪有足夠能力踩街先？」、「如果個教練帶我個仔出去咁樣踩單車即刻退團。」

影片連結