一線搜查｜成少數女性遺體修復員　處理夭折嬰屍悟人生　90後女生：呢一刻活著係好難嘅事

隨著近年殯儀行業的文化改革及生死教育的推廣，越來越多女性入行。其中，90後的朱雅穎（Wing）就以其專業與熱誠，成為全港極少數的女性遺體修復員，用心為逝者及家屬送上最後的尊嚴與安慰。

拒做化驗、教育工作　毅然投身殯儀行業

與一般香港女生無異，Wing平日喜歡烹飪、養倉鼠、寫日記，家中擺滿可愛的玩偶，為自己營造一個充滿歡樂的環境。然而，她的工種並不平凡，與「死亡」緊密相連。作為都會大學生物及化學系的畢業生，Wing的同學多數選擇從事化驗或教育工作，她卻毅然投身殯儀行業，一畢業就加入中文大學大體老師計劃，成為遺體防腐員。

Wing憶述第一次接觸遺體時，特意帶上一瓶香水以沖淡藥水味，又穿上薄衣避免吸收氣味。「第一次去學習、去做都係好平常心。記得我去觸碰先人隻手時，手係好冰冷，但嗰刻反而冇好驚嘅諗法，反而會諗呢位先人生前有咩經歷或者故事，觸發到佢想做無言老師，貢獻俾一班醫科生呢？」這種好奇與尊重，讓她對遺體修復工作產生興趣，希望走得更前線，安慰和陪伴喪親者，為逝者送別減少遺憾。

形容與時間競賽　曾修復8周大嬰兒遺體

2021年，Wing開始跟隨師傅學習遺體修復與喪禮策劃。她形容這份工作如同「與時間競賽」，遺體修復不能拖延，拖得越久，遺體的狀態變化越大，「眼前就係呢個遺體，無可能話我做一、兩個鐘先，之後出去做其他嘢，跟住返嚟再做。」

除了處理一般自然或非自然死亡個案，Wing亦主力修復流產嬰兒的遺體。她曾處理僅8至9周大的嬰兒遺體，比手指還小，「我哋會幫小天使清理乾淨，我會多啲著重臉部，通常唔同醫院有唔同程度（損傷），有啲可能灰灰黑黑，嬰兒比較難化妝遮掩。盡量見到佢嘅身體乾乾淨淨，著住佢哋爸爸、媽媽揀嘅衫，等佢望落感覺似瞓咗覺，好安詳咁樣。」

她坦言，這些經歷讓她更珍惜生命，「接咗啲小天使，有啲係未睇過呢個世界就過咗生嘅胎兒、四五歲因病離世、有啲可能年輕人用自己方式離世。完咗之後都會諗，我這一刻活著係好難嘅事，原來我可以呼吸、我今日醒到、我行得走得食得，都係好難得。」

友人結婚有微言　曾警告：婚禮嗰日唔好去殯儀館

在Wing的同輩朋友中，生死話題並不常見，甚至有人對她的工作有微言和不理解。一位任職教師的朋友更在結婚前，特意叮囑她不要穿黑色衣服，並要求她當天不要前往殯儀館。Wing說：「嗰一刻，我以為我啲朋友都開放去討論（生死），但原來有啲朋友都會介意、有啲又會好驚，話『你係女仔會唔會聽到鬼故，或者有冇恐怖野發生』；亦都有朋友問你『做咩無啦啦做呢行，你做化驗咪穩定啲囉』。」

儘管如此，Wing並未因此動搖。不過，她亦坦言，過去有一段時間年輕人自殺新聞頻傳，曾接獲不少查詢，自己當時亦需要時間沉澱，消化情緒後才外出接觸其他人，「有時會煮嘢食抽離一下，暫時唔睇工作電話，睇其他嘢消化一下」。Wing又說，自己很喜歡電影《Minion》中的角色阿Bob，認為它有很純真的心，好像在提醒自己「做人有時未必要咁複雜，其實可以好簡單。」

78 HOY資訊台：《一線搜查》
播出日期：逢周一至五
播出時間：晚上8時77台首播、8時半78台重播
WhatsApp報料熱線：68960931
節目重溫請＜按此＞